WAFAHAMU WATANGAZAJI WA KWANEEMA FM


Monday, May 09, 2016

YALIYOJILI WIKI JANA TABOTA TANGA NA DAR ES SALAAM



TUANZIE KULE MKOANI TABORA

WANANCHI KATIKA KIJIJI CHA IGOMBE WILAYANI KALIUA MKOANI TABORA WAMEMLALAMIKIA MWENYEKITI WA SERIKALI YA KIJIJI HICHO NA MTENDAJI WAKE,PAMOJA NA KAMATI YA UJENZI WA VYUMBA VITATU VYA SHULE YA MSINGI KWA KUTAFUNA FEDHA AMBAZO WALIKUWA WAKICHANGA KWA AJILI YA UJENZI,NA KUWAACHA WANAFUNZI WAKISOMA CHINI YA MITI.
 
WAKIONGEA KATIKA MKUTANO WA HADHARA ULIOITISHWA NA MKURUGENZI HUYO KWA LENGO LA KUSOMEWA TAARIFA YA MKAGUZI WA NDANI JUU YA MICHANGO YA WANANCHI, WANANCHI HAO WAMESEMA WANAFUNZI WANAKABILIWA NA CHANGAMOTO KUBWA YA KUNYESHEWA MVUA.

AKISOMA TAARIFA HIYO MKAGUZI WA NDANI WA HALMASHAURI HIYO BW: JAFARI MTANGI AMEBAINISHA ZAIDI YA SHILINGI MILIONI MBILI MIFUKO KUMI YA SARUJI, KUTAFUNWA NA UONGOZI WA KAMATI YA UJENZI, AMBAPO MTENDAJI ALIKUWA AKIWATOZA FEDHA WANANCHI BILA KUWAPA STAKABADHI.

AKITOA MAAMUZI YA MKURUGENZI,MWAKILISHI WA MKURUGENZI DHIDI YA WATUHUMIWA HAO WATENDAJI WAWILI WA KIJIJI HICHO MWAKILISHI BW:JOSEPHAT NGAZIME AMEWASIMAMISHA KAZI WAWILI NA KUMWACHIA MKUU WA WILAYA MAAMUZI DHIDI YA MWENYEKITI AMBAYE WANANCHI WALITAKA ATOLEWE MARA MOJA.

 TUELEKEE KULE TANGA

WATU WANNE WANAOSADIKIWA KUWA NI MAJAMBAZI WAMEUWAWA NA WENGINE WAWILI WAMEJERUHIWA WAKATI WAKIRUSHIANA RISASI NA POLISI JIJINI TANGA
 
AKITHIBITISHA KUTOKEA KWA TUKIO HILO KAMANDA WA POLISI MKOA WA TANGA BW: LEONARD PAUL AMESEMA TUKIO HILO LIMETOKEA ENEO LA AMBONI LILILOPO NJE KIDOGO YA JIJI HILO IKIWA NI MKAKATI WA POLISI KUTHIBITI VITENDO VYA UJAMBAZI.
 
MAJAMBAZI HAO BAADA YA KUUWAWA WALIKUTWA WAKIWA NA VIFAA MBALIMBALI VILIVYOTAMBULIWA KWENYE MAENEO WALIOFANYA MATUKIO YA UHALIFU.
 
KAMANDA PAUL AMESEMA JESHI LA POLISI LINAENDELEA NA MSAKO MKALI TANGU KUTOKEA KWA MATUKIO MAWILI YA UJAMBAZI LIKIWEMO LA KUUWAWA KWA RAIA WANNE NA WENGINE WAWILI KUJERUHIWA VIBAYA KWA KUPIGWA RISASI APRIL 24 MWAKA HUU.

NA TUHITIMISHE NA DAR ES SALAAM

WIZARA YA AFYA, MAENDELEO YA JAMII, JINSIA, WAZEE NA WATOTO IMESEMA INASIKITISHWA NA INALAANI VIKALI TUKIO LA KUUAWA KWA KUCHINJWA, MWANAMKE OLIVER ERASTO (23) NA MTOTO WAKE EMMANUEL (3), WAKAZI WA ENEO LA ZINGA, KATA YA DUNDA, WILAYANI BAGAMOYO, KUTOKANA NA WIVU WA KIMAPENZI.

WIZARA INAKEMEA MAAUJI HAYO, YANAYODAIWA KUTEKELEZWA NA FROWIN MBWALE  MKAZI WA KAWE, DAR ES SALAAM, AMBAYE NI MME WA MAREHEMU.

WIZARA HIYO IMESEMA MAUWAJI HAYO  YAMESABABISHA KUKATISHA MAISHA YA MAMA NA MTOTO, KATIKA KIPINDI AMBACHO TAIFA LINAHIMIZA UZINGATIAJI WA MCHANGO NA HAKI ZA WANAWAKE KATIKA MAENDELEO YA TAIFA, NA MWITIKIO WA HAKI YA KUISHI YA MTOTO KATIKA MIPANGO NA PROGRAMU ZA MAENDELEO ENDELEVU.
 
WIZARA INASISITIZA KUTAMBUA KUWA JUKUMU LA ULINZI NA USALAMA WA WANAFAMILIA LIKO MIKONONI MWA KILA MWANANCHI, HIVYO JAMII INAWAJIBU WA KUSAIDIA UDHIBITI WA UKATILI NA MAUAJI KATIKA FAMILIA NA JAMII . 

AIDHA WIZARA INAITAKA JAMII ITAMBUE KUWA HAKUNA MWENYE HAKI YA KUKATISHA UHAI WA MTU MWINGINE, NA MWANAMKE NA MTOTO ANAHAKI YA KUTHAMINIWA UTU WAKE, BILA UBAGUZI WOWOTE AMBAO UNAWEZA KUKATISHA MAISHA YAO.

WAKATI HUO HUO MAHAKAMA KUU KANDA YA DAR ES SALAAM IMETUPILIA MBALI RUFAA ILIYOKATWA NA MKURUGENZI WA MASHTAKA (DPP) ILIYOKUWA IKIPINGA KUONDOLEWA KWA SHITAKA LA 8 LA UTAKATISHAJI FEDHA LINALOMKABILI ALIYEKUWA KAMISHNA MKUU WA MAMLAKA YA MAPATO TANZANIA (TRA) HARRY KITILYA NA WENZAKE WAWILI.
 
UAMUZI HUO UMETOLEWA JIJINI DAR ES SALAAM NA JAJI MFAWIDHI WA MAHAKAMA HIYO, MOSES MZUNA ALIPOKUWA AKITOA MAJIBU YA RUFAA ILIYOKUWA IMEKATWA NA DPP.
AIDHA JAJI MZUNA AMEFAFANUA KUWA HATA KAMA AMEFUTA RUFAA HIYO LAKINI UPANDE WA JAMUHURI BADO UNA NAFASI YA KUBADILISHA SHITAKA AU HATI NZIMA YA MASHTAKA INAYOWAKABILI WASHTAKIWA HAO.
 
KWA UPANDE WAKE WAKILI MKUU WA SERIKALI TIMONY VITALIS AMEKUBALIANA NA UAMUZI ULIOTOLEWA NA MAHAKAMA HIYO JUU YA PINGAMIZI LAKE INGAWA BADO ANASIMAMIA WATUHUMIWA KUTOFUTIWA SHITAKA LA UTAKATISHAJI WA FEDHA.
 
NAYE WAKILI WA UTETEZI MAJULA MAGAFU AMESEMA KUWA WAO WANASUBIRI MAAMUZI YATAKAYOTOLEWA NA WAKILI WA SERIKALI ILI WAJUE NAMNA YA KUIKABILI KESI HIYO.
 



NA:JACKTAN MSAFIRI

YALIYOJILI WIKI JANA MBEYA DODOMA NA ZANZIBAR



TUANZIE MKOANI MBEYA

MAMA MMOJA AMEDAI KUPIGWA NA MUUGUZI WAKATI AKIJIFUNGUA KATIKA HOSPITALI YA RUFAA META YA JIJINI MBEYA NA MWANAE MCHANGA KUTUPWA KIFUANI MWAKE JAMBO AMBALO LIMEMUATHIRI MTOTO HUYO.
 

MKUU WA MKOA WA MBEYA BW: AMOS MAKALLA AMEFANYA ZIARA YA KUSHTUKIZA KATIKA HOSPITALI YA RUFAA YA WAZAZI META YA JIJINI MBEYA NA KUSHUHUDIA MSONGAMANO MKUBWA WA AKINA MAMA WAJAWAZITO HOSPITALINI HAPO.



KUFUATIA MADAI HAYO, MKUU WA MKOA WA MBEYA AMOS MAKALLA AMELAZIMIKA KUPITIA NYARAKA ZA MAMA HUYO ILI KUMTAMBUA MUUGUZI ALIYEMFANYIA UKATIRI HUO NA KUMBAINI BI: BEATRICE SANGA ALIYEFANYA UNYAMA HUO.
 
 AIDHA DR: MAKALA AMETOA AGIZO KWA MKURUGENZI WA HOSPITALI YA RUFAA YA KANDA YA NYANDA ZA JUU KUSINI, DR: GOODLOVE MBWANJI KUFANYA UCHUNGUZI NA KUCHUKUA HATUA DHIDI YA MUUGUZI HUYO NDANI YA SIKU SABA.

MKURUGENZI WA HOSPITALI HIYO, DK. GOODLOVE MBWAJI AMESEMA KUWA KATIKA MAZINGIRA HAYO HAWEZI KUJITETEA NA BADALA YAKE ATAZINGATIA MAELEKEZO AMBAYO AMEPEWA NA MKUU WA MKOA.
 
NA SASA TUELEKEE KULE DODOMA

RAIS WA ZANZIBAR NA MWENYEKITI WA BARAZA LA MAPINDUZI DR: ALI MOHAMED SHEIN AMEAPISHWA KUWA MJUMBE WA BARAZA LA MAWAZIRI ILI AWEZE KUSHIRIKI NA KUTEKELEZA MAJUKUMU YAKE NDANI YA BARAZA HILO.

RAIS SHEIN AMEAPISHWA NA JAJI MKUU WA TANZANIA JAJI MOHAMED CHANDE OTHMAN KATIKA IKULU NDOGO YA CHAMWINO MKOANI DODOMA.
 
 TUKIO HILO LIMESHUHUDIWA NA RAIS WA JAMHURI YA MUUNGANO WA TANZANIA DR: JOHN POMBE MAGUFULI.
  
VIONGOZI WENGINE WALIOSHUHUDIA TUKIO HILO NI MAKAMU WA RAIS WA JAMHURI YA MUUNGANO WA TANZANIA BI: SAMIA SULUHU HASSAN, WAZIRI MKUU KASSIM MAJALIWA NA KATIBU MKUU KIONGOZI BALOZI JOHN KIJAZI.

PIA KINGINE KULE DODOMA NI KWAMBA

SERIKALI ITAAJIRI WATUMISHI WA KADA MBALIMBALI ELFU 71 NA 496 KWA MWAKA WA FEDHA 2016/2017.

TAARIFA HIYO IMETOLEWA NA WAZIRI WA NCHI OFISI YA RAIS, UTUMISHI NA UTAWALA BORA BI: ANGELA KAIRUKI, WAKATI AKIJIBU SWALI LA NYONGEZA LA MBUNGE WA MBULU MJINI BW: ZACHARIA ISSAAY.

MBUNGE HUYO ALIHOJI KUWA NAFASI ZA WATENDAJI WA VIJIJI NA KATA ZIMEKUWA WAZI NI KWANINI SERIKALI ISIONE UMUHIMU WA KUTOA NAFASI KWA VIJANA WALIOMALIZA VYUO KUANZA KUJITOLEA KATIKA KIPINDI CHA MPITO ILI BAADAE WAINGIE KWENYE MFUMO WA AJIRA.
 
KAIRUKI AMESEMA PAMOJA NA UFINYU WA BAJETI, SERIKALI KATIKA MWAKA UJAO WA FEDHA UNAOANZA JULAI, MWAKA HUU, ITAAJIRI WATUMISHI WA KADA MBALIMBALI, WAKIWAMO WATENDAJI WA VIJIJI NA KATA AMBAPO AJIRA ZAO ZITAANZA KUTOLEWA MWEZI HUU.
 
AMESEMA MAOMBI YA NAFASI ZA AJIRA SERIKALINI HUFANYIKA KWA UWAZI KUPITIA BAJETI YA SERIKALI AMBAYO HUIDHINISHWA NA BUNGE.
 
AIDHA,BI: KAIRUKI AMESEMA TANZANIA NI MOJA YA NCHI ZA AFRIKA AMBAZO HULIPA KIMA CHA CHINI CHA MSHAHARA SAWA NA ASILIMIA 80 YA KIWANGO CHA GHARAMA ZA MAISHA.

KUTOKA DODOMA BUNGENI

WABUNGE WANAWAKE WA UPINZANI WAMETOKA WOTE NJE YA BUNGE KWA MADAI YA KUDHALILISHWA BUNGENI NA MBUNGE MMOJA WA CCM KUWA WANAPEWA VITI HIVYO KWA KUWA NA MAHUSIANO NA VIONGOZI WAO WA JUU.

WABUNGE HAO WALIOMBA MUONGOZO KWA NAIBU SPIKA LAKINI HAWAKUSIKILIZWA NDIPO WALIPOSIMAMA WOTE NA NAIBU SPIKA KUWATAKA KUKAA CHINI NA KUAMUA KUSUSIA KIKAO HICHO CHA BUNGE.
 
 WABUNGE HAO WAMEAMUA KUTOKA NNJE HUKU WAKIAHIDI KUJA NA TAMKO KALI KUHUSU UDHALILISHAJI WALIOFANYIWA.

MBUNGE WA KAWE NA MWENYEKITI WA UMOJA WANAWAKE CHADEMA, HALIMA MDEE AMESEMA KAULI ALIYOTOA NA MBUNGE WA JIMBO LA ULANGA GOODLUCK MLINGA KUZUNGUMZA BUNGENI KUWA WABUNGE WA CHADEMA ILI WAPATE UBUNGE WA VITI MAALUMU LAZIMA WAWE NA MAHUSIANO NA VIONGOZI WAO NI LA UDHALILISHAJI.
 






NA:JACKTAN MSAFIRI

WANAOMILIKI ARDHI KIHOLELA KUSWEKWA RUMANDE



WAKAZI WA KANDA YA ZIWA WANAKUMBUSHWA KUFUATA  KANUNI  NA TARATIBU ZA UMILIKI  WA  ARDHI  ILI KUTIMIZA  AGIZO LA SERIKALI  LA KULIPA KODI YA ARDHI KABLA YA MTU KUPELEKWA  MAHAKAMANI

AKIZUNGUMZA NA KWA NEEMA FM RADIO KAMISHINA MSAIDIZI WA KANDA YA ZIWA BW: JOSEPH SHAWIYO ALISEMA WAMETANGAZA KWA SIKU NYINGI JUU YA ULIPAJI WA KODI YA UMILIKI WA ARDHI KWA WANANCHI NA SASA WAMEINGIA KATIKA HATUA YA KUWAPELEKA MAHAKAMANI WATAKAO KAIDI  KWANI TAYARI  WATU 150 WAMEFIKISHWA KATIKA MAHAKAMA YA ARDHI ILI KUJIBU MASHTAKA YAO.

 


BWANA SHAWIYO ALISEMA KUWA KILA MWANANCHI  ANAYE MILIKI   ARDHI  ANAPASWA  KULIPIA KODI YA ARDHI KULINGANA NA UKUBWA WAENEO  NA ENDAPO ATACHELEWA ATAPASWA KULIPA KWA RIBA KILA MWEZI. 

  
AIDHA BWANA SHAWIYO ALIESEMA KUWA MAMLAKA IMEFIKIA  HATUA YA KUWAPELEKA  WATU  MAHAKAMA YA ARDHI  BAADA YA KUTANGAZA KWA MUDA MREFU KUWA KILA   MWANANCHI ANAYEMILIKI ARDHI NI SHARTI ALIPE KODI.
 
TUKIWA BADO TUKO MWANZA UPUNGUFU WA BIDHAA YA SUKARI IMEENDELEA KUIKUMBA NCHI YA TANZANIA NA KUPELEKEA WANANCHI KUIPATA SUKARI KWA BEI KUBWA KINYUME NA MAAIGIZO YA SERIKALI.
 


MKOANI MWANZA HALI YA UPATIKANAJI WA SUKARI UMEKUWA MGUMU SANA AMBAPO WANANCHI WAMEENDELEA KULALAMIKA JUU YA SUALA HILO HUKU WAKIOMBA MSAADA WA SERIKALI. 
 

MKUU WA MKOA WA MWANZA JOHN MONGELA ANZUNGUMZIAJE SUALA LA UKOSEFU WA SUKARI MKOANI MWANZA.




WAKATI HAYO YAKIENDELEA, RAIS MAGUFULI AMETOA ONYO KALI KWA WAFANYABIASHARA WALIOFICHA SUKARI ILI BAADAE WAIUZE KWA BEI KUBWA. 

ALIESEMA WAFANYABIASHARA HAO WENYE TAMAA YA PESA WALIKUWA WAKIFUATA SUKARI ILIYO EXPIRE HUKO BRAZILI   NA KUILETA NCHINI ILI WATENGENEZE FAIDA NA NDO MAANA SERIKALI ILIWAPIGA MARUFUKU KUAGIZA



RAIS MAGUFULI ALIASEMA HAYO WAKATI AKIWASALIMIA WANANCHI WA KATESH, MKOANI MANYARA.



AKIONGEA NA MAMIA YA WANANCHI HAO WALIOJITOKEZA KUMLAKI NJIANI, RAIS MAGUFULI ALIWATOA HOFU WANANCHI KUHUSU UHABA WA SUKARI KWA KUWA TAYARI WAKO  KATIKA MCHAKATO WA KUAGIZA MAKONTENA YA SUKARI NJE YA NCHI ILI KUWAKABILI WAFANYABIASHARA WALIOFICHA BIDHAA HIYO.

 


 ALISEMA AMEVIAGIZA VYOMBO VYA DOLA VIWAFUATILIE ILI IKITHIBITIKA SUKARI WALIIFICHA BASI ICHUKULIWE NA KUGAWIWA BURE KWA WANANCHI NA PIA WATAPIGWA MARUFUKU KUFANYA BIASHARA YOYOTE HAPA NCHINI.

 


NA: JACKTAN MSAFIRI

Friday, May 06, 2016

KWANEEMA FM RADIO YAFANYA SHEREHE YA KUMKARIBISHA MENEJA MPYA NA KUMUAGA WA DHAMANI


Sherehe hizo zilifanyika hivi karibuni katika ofisi za kwaneema fm radio zilizopo mkoani mwanza amapo aliyekuwa meneja wa kituo hicho BI: EVELYNE ANDREW aliwaaga rasmi wafanyakazi wa kwaneema radio baada ya kufanya kazi katika kituo hicho kwa zaidi ya miaka isiyopungua minne.

Aidha sherehe hizo pia zilienda sambamba na kumkaribisha meneja mpya wa kituo hicho BWN: JESTON KIHWELO aliyekuwa mhariri mkuu wa redio hiyo.

                            -jopo la wafanyakazi wa 98.2 kwaneema fm radio
            -kushoto ni BI: EVELYNE ANDREW na kulia ni BWN: JESTON KIHWELO
                           -Meneja mpya wa kwaneema fm radio JESTON KIHWELO
Mkurugenzi mtendaji wa kwaneema fm radio PETER OMARY akimpa mkono wa kwaheri EVELYNE ANDREW
                                         -Erick audax akiwa na meneja msaafu


                                      -Jacktan Msafiri akiwa na meneja msaafu
                                      -Lucina mlema akiwa na meneja msaafu
                                     -Peter Abudalah akiwa na meneja msaafu
                                      -Fedrick chibuga akiwa na meneja msaafu

-Fabian Fanuel akiwa na meneja msaafu






Vile vile katika sherehe hizo mkurugenzi mtendaji wa wa kwaneema fm radio aliweza kuwatunuku wafanyakazi walioweza kufanya vizuri katika utendaji wao wa kazi kwa mwaka 2014/2015. waliotunukiwa vyeti vya ubora ni aliyekuwa mejeja wa kutuo hicho BI: EVELYNE ANDREW,meneja masoko BI: MARIUM JUMA,mtangazaji JACKTAN MSAFIRI,aliyekuwa mhariri mkuu JESTON KIHWELO na mtangazaji FABIAN FANUEL.

                                 -Hawa ndio ndio wafanyakazi waliotunukiwa vyeti vya ubora
                                                 -BI:EVELYNE akitunukiwa cheti
                                           -JESTON KIHWELO akitunukiwa cheti
                                               -MARIUM JUMA akitunukiwa cheti
                                           -JACKTAN MSAFIRI akitunukiwa cheti
-FABIAN FANUEL akitunukiwa cheti




NA:JACKTAN MSAFIRI