WAFAHAMU WATANGAZAJI WA KWANEEMA FM


Thursday, August 20, 2015

ALBINO 5 TZ WAREJESHEWA VIUNGO MAREKANI

kwa neema fm radio 98.2MHz tunaangaza
Albino 5 raia wa Tanzania waliokatwa viungo wamerejeshewa viungo bandia Marekani


Watoto watano wa Tanzania wenye ulemavu wa ngozi waliokuwa wamekatwa viungo vya miili yao wamewekewa mikono na miguu ya bandia katika hospitali iliyopo nchini Marekani.

Watoto hawa ni miongoni mwa mamia ya watu wanye ulemavu wa ngozi nchini humo ambao wamekuwa wakiwindwa na watu wanaotaka viungo vya miili yao kwa shughuli za kishirikina
Watoto hao, mmoja wa kike na wanne wa kiume kutoka mikoa ya Kaskazini Magharibi na Kusini Magharibi mwa Tanzania, wamekuwa wakipokea matibabu hayo katika hospitali ya watoto Philadelphia Shriners Hospital iliyopo jijini New York.

Wanatarajiwa kurudi nyumbani Tanzania mnamo mwezi Septemba
 Wakiwa na umri kati ya miaka 6 hadi 18, wanne wa watoto hawa walipatwa na majeraha makubwa ya kukatwa mikono na miguu yao, huku mmoja wao akiwa amekatwa taya na meno.

Tayari watoto wanne wamekwisha wekewa mikono na miguu ya bandia, wakati yule aliyekatwa taya akitarajiwa matibabu yake kuchukua muda mrefu zaidi.

Shirika la msaada la Kimarekani Global Medical Relief Fund linafadhili matibabu ya watoto hawa.
Ofisa kutoka shirika la Under the Same Sun Martin Haule anasema watoto wanaendelea vizuri na kwamba ni wenye furaha

Shirika la Global Medical Relief Fund linafadhili matibabu ya watoto hawa.

Ameiambia BBC kwamba wanatarajiwa kurudi nyumbani Tanzania mnamo mwezi Septemba.

Kwa mujibu wa Umoja wa Mataifa, ulemavu wa ngozi unaathiri takribani mtu mmoja katika kila watu 15,000 nchini Tanzania.

Watu hawa wanawindwa kwa ajili ya viungo vyao, ambavyo vinatakiwa katika biashara haramu kwa matumizi ya shughuri za kishirikina.
CHANZO:BBC SWAHILI

KANUNI ZA UWEKAJI VIAKISI MWANGA KATIKA MAGARI YAANZISHWA.

kwa neema fm radio 98.2MHz tunaangaza


Jeshi la Polisi nchini kikosi cha usalama barabarni limetoa muda wa miezi miwili kuanzia sasa kwa wamiliki wa vyombo vya moto kuhakikisha wanaweka viakisi mwanga katika magari na kwamba hatua kali za kisheria zitaanza kuchukuliwa kwa watakao kiuka agizo hilo.

Kwa mujibu wa tafiti iliyofanywa na kikosi cha usalama barabarani nchini imesema kuwa uwekaji wa viakisi mwanga hivyo kwenye magari utasaidia kupunguza ajali zinazosababishwa na baadhi ya magari yaliyoharibika njiani zoezi litakalo kuwa sambamba na uwekaji wa stika kwenye magari.
 
Kwa muda sasa askari wa usalama barabarni wamekuwa wakilalamikiwa kutokuva sare pindi wanapokagua mwendo kasi kwa magari ya mikoani, lakini kamanda Mpinga anasema zoezi hilo litaendelea na kuwataka madereva kutii na kuheshimu kanuni za barabarani.
 
Katika mkutano huo na waandishi wa habari jijini Dar es Salaam kamanda Mpinga ametumia fursa hiyo kupiga marufuku kwa watumiaji wa vyombo vya moto ambao wamekuwa wakitumia barabara za mwendo kasi na kwamba kuanzia jumatatu wiki hii adhabu kali za kisheria zitaanza kuchukuliwa kwa watakao bainika.

CHAMA CHA WALIMU TANZANIA CWT KIMEIPA SIKU TISA SERIKALI KUKAMILISHA MADAI YAO.

kwa neema fm radio 98.2MHz tunaangaza


Chama cha walimu Tanzania-CWT- kimeipa siku tisa serikali kutekeleza makubalino ya kutatua kero mbalimbali za walimu ikiwemo kulipa deni la zaidi ya shilingi bilioni 19 fedha za mishahara na madai mengine kabla ya kutoa maamuzi kwa wanachama wake.

Akizungumza na waandishi wa habari, rais wa chama cha walimu Tanzania Bwana  Gratian Mukoba ameita kikao dhidi ya serikali kitakachofanyika Agosti 28 kiwe cha kupokea taarifa ya utekelezaji wa madai ya walimu badala ya mapendekezo, mipango na michakato isiyo na mwisho na kusisitiza CWT hakipendi kuishinikiza serikali kipindi hiki cha kuelekea uchaguzi bali itambue inawajibu wa kutekeleza makubalino yalifikiwa na CWT.
Aidha amesema chama cha CWT kilitegemea serikali kulipa posho ya madaraka kwa walimu wakuu wa shule na wakuu wa vyuo vya ualimu mpaka sasa haijatolewa hali inayotengeneza deni la shilingi bilioni 5 kila mwezi na mwisho wa mwezi huu itaongezeka kufikia bilioni 10, pamoja na walimu zaidi ya elfu 40 wanaostahili kupandishwa daraja kutopandishwa katika mwaka huu wa fedha.

MWENYEKITI WA CCM TAIFA RAIS KIKWETE AMESEMA UTEUZI WA MAGUFULI NI MAPENZI YA MUNGU.

kwa neema fm radio 98.2MHz tunaangaza


Mwenyekiti wa chama cha mapinduzi taifa na rais wa jamhuri ya muungano wa Tanzania Dr Jakaya Mrisho Kikwete amesema mchakato wa uteuzi wa mgombea wa nafasi ya urais wa Tanzania Dr John Pombe Magufuli umedhihirisha kuwa chama hicho hakiteuwi kada ama mwanachama yeyote kutokana na fedha zake na kwamba uteuzi wake umetokana na mapenzi ya mungu kwa Tanzania kumpata mtu atakayesimamia kwa dhati rasilimali za taifa na kuwatumikia wanyonge na asiyeyumbishwa na rushwa.

Akizungumza na wanaccm mkoa wa Dar es Salaam Mwenyekiti wa chama cha mapinduzi taifa na rais wa jamhuri ya muungano wa Tanzania Dr Jakaya Mrisho Kikwete amewahakkishia wanaccm wote nchini kuwa chama hicho kina mgombea mzuri tena mzuri sana katika kila hali iwe na ya ucha mungu, uwajibikaji na uchapakazi kwa kuzingatia misingi ya haki na hana kigugumizi katika utendaji wake na kwamba ni mpango wa mungu Tanzania kumpata kiongozi mwadilifu atakayesimamia uwajibikaji na uadilifu na kwamba ni mtu asiyejikweza na kwamba ni mgombea wa sampuli nyingine.
Akielezea sifa za Dr John Pombe Magufuli mwenyekiti huyo wa CCM taifa na rais wa jamhuri ya muungano wa Tanzania Dr Jakaya Mrisho Kikwete amesema Dr Magufuli anachukia sana uzembe, rushwa na ubabaishaji lakini pia usawa wa kijinsia na ndo maana akamteuwa mgombea mweza kuwa mwanamke.
Mgombea wa kiti cha urais kupitia CCM Dr John Pombe Magufuli akizungumza na wanaccm hao wa mkoa wa Dar es Salaam amesema Tanzania ni nchi ya amani ambayo inapaswa kuendelezwa kwa misingi ya amani bila ukabila na ukanda wala ubaguzi wa aina yeyote na kuwataka watanzania kuendelea kuwa wamoja na kuwahakikishia watanzania kuwa anatosha katika kutatua kero mbalimbali za mtanzania wa kawaida na makundi mbalimbali.
Awali, akizungumza na wanaccm mkoa wa Dar es Salaam, mwenyekiti wa CCM mkoa wa Dar es Salaam ambaye pia ni mwenyekiti wa wenyeviti wa CCM mikoa Ramadhani Madabida amesema mkutano huo ni wa kwanza tangu kumalizika kwa vikao vya uchujaji wa wagombea katika ngazi zote vilivyoongozwa na mwenyekiti wa chama hicho Dr Jakaya Kikwete na kumhakikishia kuwa wanaccm wa mkoa wa Dar es Salaam wako imara na kwamba wako tayari kwa mapambano ya kisiasa.
Katika tukio jingine, mapema asubuhi, Dr John Pombe Magufuli akiambatana na mgombea mwenza mama Samia Hassan Suluhu walirejesha na kusaini fomu za tume ya taifa ya uchaguzi katika mahakama kuu ya Tanzania kwa mujibu wa taratibu na sheria ya tume hiyo ya taifa ya uchaguzi ambapo kwa mujibu wa kanuni na taratibu za tume hiyo wagombea wote wanahitaji kupata wadhamini wasiopungua mia mbili katika baadhi ya mikoa ikiwemo visiwa vya Zanzibar.

SERIKALI YAKANUSHA CHADEMA KUTUMIA UWANJA WA TAIFA KUZINDUA KAMPENI ZAKE

kwa neema fm radio 98.2MHz tunaangaza

Mkurugenzi wa Idara ya Habari (MAELEZO) akikanusha kuhusu Chadema kutumia Uwanja wa Taifa kuzindua kampeni zake siku ya tarehe 22 Agosti, 2015 jijini Dar es Salaam. Kanusho hilo lilitolewa katika Ukumbi wa Idara ya Habari (MAELEZO) uliopo jijini Dar es Salaam.

Baadhi ya Waandishi wa Habari wakifuatilia taarifa kutoka Serikalini kuhusu Chadema kutumia Uwanja wa Taifa kuzindua kampeni zake siku ya tarehe 22 Agosti, 2015 jijini Dar es Salaam. Kanusho hilo lilitolewa katika Ukumbi wa Idara ya Habari (MAELEZO) uliopo jijini Dar es Salaam.


SERIKALI imekanusha taarifa zilizojitokeza kwenye Vyombo vya habari yakiwemo magazeti na mitandao ya kijamii kwamba Chama Cha Demokrasia na Maendeleo (CHADEMA) kitafanya mkutano hadhara Uwanja wa Taifa Dar es Salaam tarehe 22 Agosti, 2015.

Akizungumza na vyombo vya habari jana, Mkurugenzi wa Idara ya Habari (MAELEZO), Assah Mwambene alisema serikali haijatoa ruhusa kwa chama chochote cha siasa kutumia uwanja wa taifa kwa ajili ya shughuli za kisiasa.

Alikiri kwamba ni kweli kwamba CHADEMA waliiandikia Wizara tarehe 12 Agosti, 2015 kutaka kutumia uwanja wa taifa katika uzinduzi wa kampeni lakini ombi lao lilikataliwa kwa maelezo kwamba uwanja ule kwa mazingira ya sasa hauruhusiwi kutumika kwa ajili ya mihadhara ya vyama vya siasa.

“kwa kipindi haturuhusu uwanja wa taifa kutumika kwa mihadhara ya kampeni za vyama vya siasa. Uamuzi huu unalenga kuweka uwanja katika mazingira rafiki ya michezo na kuepuka athari zozote zinazoweza kujitokeza kutokana na mihemuko ya kisiasa” alisema Bwana Mwambene.

Mwambene ameeleza kuwa, Serikali imeamua uwanja huo ubaki kwa ajili ya kufanyia shughuli zake za msingi za kimichezo ili kuepuka mihemuko na athari yoyote inayoweza kujitokeza kutokana na hamasa za kisiasa.

“Ni kweli kwamba tulipata barua ya Chadema kuomba Uwanja kutumika kwa ajili ya mhadhara ya kisiasa wa CHADEMA hasa kuzindua Kampeni zao kwenye Uwanja tayari tumeshawaandikia kuwaarifu kuwa Uwanja ule hauwezi kutumika kwa ajili ya shughuli zozote za kisiasa” alisema Bwana Mwambene.

Alisema vyama vyovyote vitakavyoomba kutumia Uwanja ule kwa shughuli za kisiasa havitaruhusiwa.
 CHANZO: HABARI MAELEZO.

Friday, July 10, 2015

VIKAO KUFANYIKA LEO MKUTANO MKUU KESHO

kwa neema fm radio 98.2MHz tunaangaza

Katibu wa NEC Itikadi na Uenezi Nape Nnauye akizungumza na waandishi wa habari nje ya ukumbi wa NEC,Makao Makuu ya CCM mjini Dodoma.      

 
Katibu wa NEC Itikadi na Uenezi amewaeleza waandishi wa habari kuwa vikao vyote vitafanyika leo kikiwemo cha Kamati ya Usalama na Maadili pamoja na vikao vya mchujo wa wagombea kuanzia watano(5) mpaka kupata watatu (3)  na mgombea wa Urais Zanzibar .
 Aidha bwana Nape amesema hapo kesho  tarehe 11 Julai utafanyika mkutano mkuu wa CCM ambao atapatikana mgombea mmoja wa CCM kwa nafasi ya Urais.
Waandishi wa habari wakichukua taarifa za vikao vitakavyofanyika leo mjini Dodoma kutoka kwa msemaji wa Chama Cha Mapinduzi, Katibu wa NEC Itikadi na Uenezi Nape Nnauye nje ya ukumbi wa NEC mjini Dodoma.